សមាគមឈ្មួញជើងសាឧបករណ៍និស្សន្ទនៅកម្ពុជា ចូលរួមកិច្ចប្រជុំជាមួយនិយ័តករមូលបត្រកម្ពុជា (ន.ម.ក.) ក្រោមអធិបតីភាពដ៏ខ្ពង់ខ្ពស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយក នៃនិយ័តករមូលបត្រកម្ពុជា នាព្រឹកថ្ងៃសុក្រ ១៤ រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៥ ខែកក្កដា ឆ្នាំ២០២៤ លោកស្រី ប៊ុន សុវ៉ាត់ឌី ប្រធានសមាគមឈ្មួញជើងសាឧបករណ៍និស្សន្ទនៅកម្ពុជា បានដឹកនាំសមាជិក សមាជិកា នៃសមាគម (ស.ឈ.ឧ.ក.) ចូលរួមកិច្ចប្រជុំ ដើម្បីស្តាប់អនុសាសន៍ ណែនាំរបស់ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃនិយ័តករមូលបត្រកម្ពុជា (ន.ម.ក.) ពាក់ព័ន្ធនឹងផែនការសកម្មភាព របស់សមាគមឈ្មួញជើងសាឧបករណ៍និស្សន្ទនៅកម្ពុជា ។
កិច្ចប្រជុំនេះ ធ្វើឡើងក្រោមការដឹកនាំកិច្ចប្រជុំផ្ទាល់ ដោយឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃនិយ័តករមូលបត្រកម្ពុជា (ន.ម.ក.) អមដោយ ឯកឧត្តមបណ្ឌិត វិន ភក្តី អគ្គនាយករង នៃ ន.ម.ក. និងសហការី ដោយបានជួបប្រជុំពិភាក្សា ជាមួយសមាគមឈ្មួញជើងសាឧបករណ៍និស្សន្ទនៅកម្ពុជា ដែលដឹកនាំដោយ លោកស្រី ប៊ុន សុវ៉ាត់ឌី ប្រធានសមាគម និងអនុប្រធានទី១ អនុប្រធានទី២ ព្រមទាំងសមាជិក សមាជិការផ្សេងទៀតផងដែរ ។
កិច្ចប្រជុំនេះដែរ ក៏មានការចូលរួមពីតំណាងឈ្មួញជើងសាឧបករណ៍និស្សន្ទទាំងអស់ ដែលទទួលបានអាជ្ញាបណ្ណ ឬការអនុញ្ញាតពី ន.ម.ក. ផងដែរ និងបានធ្វើឱ្យកិច្ចប្រជុំបញ្ចប់ទៅដោយរលូន និងប្រកបដោយផ្លែផ្កាខ្ពស់។
