កម្មវិធីនេះប្រព្រឹត្តទៅក្រោមការចូលរួម របស់ឯកឧត្តម ស្រេង ហុង អភិបាលរងនៃគណៈអភិបាលខេត្តបាត់ដំបង ព្រមទាំងឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា និងលោកស្រី ប៊ុន សុវ៉ាត់ឌី ប្រធានសមាគមឈ្មួញជើងសាឧបករណ៍និស្សន្ទនៅកម្ពុជា និងជានាយិកាប្រតិបត្តិក្រុមហ៊ុន ប៊ីអេហ្វអិកស៍ ខាភីថល BFX CAPITAL ព្រមទាំងមានការចូលរួមពីមន្ត្រីរាជការ មន្ទីរ អង្គភាពជុំវិញខេត្ត និងតំណាងក្រុង ស្រុកជាច្រើនរូប។

ក្នុងឱកាសនេះ សមាគមឈ្មួញជើងសាឧបករណ៍និស្សន្ទនៅកម្ពុជា និងក្រុមហ៊ុន ប៊ីអេហ្វអិកស៍ ខាភីថល ឯ.ក (BFX CAPITAL)​ សូមថ្លែងអំណរគុណយ៉ាងជ្រាលជ្រៅចំពោះអស់លោក លោកស្រី និងសាធារណជនទាំងអស់ ដែលបានអញ្ជើញចូលរួមសិក្ខាសាលានេះយ៉ាងច្រើនកុះករ និងបានរួមចំណែកធ្វើឱ្យកម្មវិធីប្រព្រឹត្តទៅយ៉ាងល្អប្រសើរ។