យោងតាមលក្ខន្ដិកៈ រចនាសម្ព័ន្ធអង្គការចាត់តាំងនៃ ស.ឈ.ឧ.ក. មាន៖ មហាសន្និបាត គណៈកម្មាធិការប្រតិបត្តិ ប្រធាន អនុប្រធាន លេខាធិការដ្ឋា សមាជិក ក្រុមប្រឹក្សាឈ្មូញជើងសារ គណៈកម្មការជំនាញ។ ក្រុមប្រឹក្សាឈ្មូញជើងសា រួមមាន៖ សមាជិកស្ថាបនិក សមាជិកកិត្តិយស សមាជិកសកម្ម និង សមាជិកគាំទ្រ។

សមាគមឈ្មួញជើងសាឧបករណ៍និស្សន្ទនៅកម្ពុជាស.ឈ.ឧ.ក. ត្រូវបានបង្កើតឡើងក្រោយពីច្បាប់មូលបត្ររដ្ឋ និងច្បាប់ស្ដីពីការបោះផ្សាយ និង ជួញដូរមូលបត្រមហាជនបានអនុម័តរួច។ ស.ឈ.ឧ.ក. មានគោលដៅក្នុងគោលបំណងចូលរួមចំណែកដល់ការអភិវឌ្ឍសេដ្ឋកិច្ចជាតិ និងសង្គមតាមរយៈការកៀរគរមូលធនពីសាធារណជន ឫអ្នកវិនិយោគមូលបត្រ ដើម្បីឆ្លើយតបទៅនឹងតម្រូវការហរិញ្ញវត្ថុសម្រាប់ការវិនិយោគនៅកម្ពុជា។

ស.ឈ.ឧ.ក. មានបេសកកម្មលើកស្ទួយ និងអភិវឌ្ឍវិស័យមូលបត្រនៅព្រះរាជាណាចក្រកម្ពុជា ព្រម ទាំងអនុវត្តសកម្មភាពដោយសហការជិតស្និទ្ធជាមួយនិយ័តករមូលបត្រកម្ពុជា និងជាច្រកទំនាក់ទំនងជាមួយ លើកកម្ពស់ការគ្រប់គ្រងទីផ្សារមូលបត្រឲ្យមានប្រសិទ្ធភាព និងជំរុញការអភិវឌ្ឍទីផ្សារនេះឲ្យមានសណ្ដាប់ធ្នាប់ និងរបៀបរៀបរយ។