នាថ្ងៃអង្គារ ៣កើត ខែវិសាខ ឆ្នាំម្សាញ់ សប្តស័ក ព.ស ២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥ លោកស្រី ប៊ុន សុវ៉ាត់ឌី ប្រធានគណៈកម្មាធិការប្រតិបត្តិសមាគមឈ្មួញជើងសាឧបករណ៍និស្សន្ទនៅកម្ពុជា ទទួលបន្ទុកជាប្រធានសមាគមបានដឹកនាំគណៈកម្មាធិការប្រតិបត្តិដែលមានសមាសភាពចូលរួម លោក ជា សុធា (អនុប្រធានគណៈកម្មាធិការប្រតិបត្តិ និងជាអភិបាលក្រុមហ៊ុន ភីភី លីង ស៊ីឃ្យូរិធី) លោក VICTOR YING WEI CHO (សមាជិកគណៈកម្មាធិការប្រតិបត្តិ និងជានាយកប្រតិបត្តិក្រុមហ៊ុន អេសធី ម៉ាឃីត ) លោក សុខ ហេង (សមាជិកគណៈកម្មាធិការប្រតិបត្តិ និងប្រធានអភិវឌ្ឍអាជីវកម្ម ក្រុមហ៊ុន ហ្គោល ហ្វាយនេនសល គ្លូប៊ល អុិនវេសមុិន) លោក លោក ស៍រ លីណែត(សមាជិកគណៈកម្មាធិការប្រតិបត្តិ និងជានាយកប្រតិបត្តិ ក្រុមហ៊ុន អិនវេស អិម ថេកណឡជី)   និងលោក សុខ គារី (ប្រធានលេខាធិកាកិច្ចការសមាគម) លោកស្រី បានបើកកិច្ចប្រជុំពិភាក្សារួមមួយលើ “សមិទ្ធផលខែមេសា និងផែនការបន្ទាប់សម្រាប់ខែឧសភា ឆ្នាំ២០២៥” កិច្ចបញ្ចប់នៃអង្គប្រជុំសមាគមទទួលបានលទ្ធផលល្អគួរជាទីកត់សម្គាល់។